Тывада эрткен чылын тургустунган спортчу-аңчы «Мажаалай» деп клуб чырыкче бодунуң солунун бо хүн үндүрген. Солуннуң ады база “Мажаалай”. Тиражы 999 кезек. Редактору аңчылар клувунуң удуртукчузу Александр Александрович Шаалы. Тывалар бурун шагдан бээр, бир дугаарында – аңчылар. Ынчалза-даа бо хүнге чедир тускай парлалгалыг чорбаан. Чогаалчылар-ла боттарының номнарынга аңнаашкын темазын чырыдып турганнар.

Редакторнуң чугаазы-биле алырга, “Мажаалайга” аңныыр дүрүмнериниң, чарлыктарының дугайында хоойлу материалдарын, республикада аңныыр ажыл-агыйынының дугайында чүүлдерни, аңчыларның, балыкчыларның ужуралдарын, оларның солун чугааларын болгаш аңнаашкын-балыктаашкынга хамаарылгалыг хөй-ле чүлдерни парлаар. Россияда, делегейде бо талазы-биле айтырыг канчаар тургустунганыл дээш.

Чечен чогаалга сундулуг аңчыларның уран сөстери база кирер. Дорту-биле чугаалаарга, тыва эр кижиниң адын шынзыткан ажылын республикага, Россияга бо солун таварыштыр делгередири болур. Ынчан аңчы эрниң хей-аъды, сүлдези таңдылар кырында бедикте турары чугаа чок.