Тываның национал музейи Шагаа уткуштур хоорайның школачылары-биле январь 25-тен февраль 14-ке чедир солун ажылдарны кылыр деп планнап алган. “Шагаа деп чүл? Ону канчаар байырлаарыл?” деп темалыг ажылды өөреникчилер-биле экскурсия килдизи доктаамал чорудар. Тыва календарьда кирип турар 12 дириг амытаннарның дугайында школачылар-биле бойдус килдизи ажылдаар. Шагаа байырлалының оюннарын: кажыктаарын, чинчи чажырарын дээш өске-даа оюннарны музей иштинде тиккен өгге көргүзер. ТР парламентизиниң доктаатканы-биле февраль 3-4 хүннеринде Шагаа байырлалы дээш дыштаныр болгай. Национал музейниң эжиктери чонга февраль 2-ден 6-га чедир, эртенгиниң 10.00 шактан 18.00 шакка чедир ажык. Музейниң коллективи февраль 2-де конференц-залга чалаткан лама-башкыларның дузазы-биле мөргүл эрттирер. Бо дугайында медээни ТР Национал музейниң директорунуң оралакчызы Галина Бочегурова дыңнаткан.